Marblettur á kálfa

Ég tók eftir því í morgun þegar ég var að klæða mig að lófastór marblettur var kominn á kálfann neðanverðan.. Kannast ekki við að neitt hafi komið fyrir mig. Hvað getur orsakað þetta.?

Sæl/ll og takk fyrir fyrirspurnina.

Margar ástæður geta verið fyrir mari en algengasta ástæðan er að þú hafir rekið þig í án þess að taka eftir því eða hreinlega munir ekki eftir því. Í öðrum tilvikum getur marblettur mögulega stafað af:

  • lyfjum – t.d. blóðþynningarlyfjum eða magnýl (acetylsalicylicsýra)
  • Fæðu – t.d. lýsi eða öðrum fiskiolíum og hvítlauk
  • Vítamínskorti – t.d. C- eða K- vítamínskortur
  • Öðrum undirliggjandi heilsufarssástæðum eða sjúkdómum.

Læt einnig fylgja góða grein um marbletti:  https://doktor.frettabladid.is/grein/marblettir

Gangi þér vel,

Auður Hávarsdóttir, hjúkrunarfræðingur